క్రాంతి శ్రీనివాసరావు || పండగ ||
ఏడాదికి ఓక్కసారి
బంగీ జంపు చేస్తూ
క్షణాలు మురుస్తుంటాయి
మళ్ళీ పుట్టి మెరుస్తుంటాయి
ఏడాదిగా సాగి
రోజుగా మిగిలి
క్షణాలుగా కుదించబడి
హఠాత్తుగా మేలుకొంటాయు
నిన్ను ప్రేమిస్తున్న వాళ్ళో
నీతో పని వున్నవాళ్ళో
రోజు మొదలయ్యే క్షణాల్లో
ఊపిరిపోసి విడుదల చేస్తుంటారు
ఎందరికో
పట్టాలపై పెట్టీన
సత్తురూపాయి బిళ్ళలా
జీవిత రైలు బండి
తొక్కుకొంటూ పోతే
పుట్టిన క్షణం
సాగిపోయి
పక్కకు దొర్లిపోతుంది
ఏకొందరికో
కాలం మొక్కకు పూసిన పువ్వై
పరిమళించి
పరవశింప చేస్తుంటుంది
పుట్టిన నుండి
పోయేవరకూ
లక్షల క్షణాలు
రాలిపోతుంటాయి
ఒక్క క్షణాన్నయినా
వొడిసి పట్టుకొని
పండించుకొంన్నవారికి
పుట్టిన పోయిన
రెండు క్షణాలు
ముందుతరాలకు
పండగలవుతాయు
అందుకే
కాలాన్ని చంపకుండా
క్షణాలకు జీవ లక్షణాలు
అంటించే పనిలో పడదాం
No comments:
Post a Comment